कपिलवस्तुको तौलिहवासंंग जोडिएको बुद्धभुमी नगरपालिका १० बहडीलवामा समयमाईको प्रतिकका रुपमा रहेको अनौठो आँपको रुख धार्मिक आस्थाको केन्द्र बन्दै गएको छ । डेढ सय बर्ष पुरानो आपको रुख, सयममाई मन्दिर र मलंग वाबाको प्रतिक छ । यँहा पुजापठा र भाकलकालागि श्रद्धालुहरु आउने गरेको पुजारी सुग्रीव धोबीले बताउनुभयो । बिशेष गरी सोमवार र बिहीवार यहा भिड लाग्ने गरेको उहाँले बताउनुभयो ।आँपको रुखको हाँगा माथि गई सोही हाँगा फेरी जमिनमा झरी जमिनबाट फेरी हाँगा माथि सरेका छन । करिब डेढ सय बर्ष पुरानो आँपको रुखमा देबी देवताको शक्ती रहेको स्थानीय बुढापाखा बताउछन ।स्थानीय ब्यक्तीहरुले गरेको भाकल पुरा भएपछि आँपको रुखमा देबीको बास भएको बिश्वास रहेको बताएका छन । आँपको रुख बिक्री गरे पछि रुख काट्न आउने मानिस बिरामी भै रुख काट्न नसकिने भए पछि रुख माथी बिश्वास भएको बताएका छन् । आँपको रुखको माथी समय माईको छाया रहेकोले रुखको पुर्ब पट्टि समय माई देबीको सानो मन्दिर स्थानियले बनाएका छन् ।बिश्वम्भर मिश्र २ दशक अघि ईटा भट्टालाई बेच्न खाजेका थिए । रुख काटने बेलामा हांगाबाट खसेर उनको हात भाच्चिएको थियो ।
अर्को पटक काटने प्रयास गर्दा माहुरीले टोकेको थियो । ‘ रुख बेचर धेरै पटक काटने प्रयास गरे तर परिवारमा केही न केही हानी नोक्नसी भई रह्यो ’ रुखधनी मिश्रले भन्नुभयो ‘ रुखमा पुर्खा र दैबी शक्तिको बास रहेको जस्तो लाग्यो ’ । रुखको चारै तिर हांगाहरु फैलिएका छन । रुखको महिमा बारे चर्चा भए पछि भारतको बिभिन्न स्थानबाट समेत रुख हेर्न आएको मिश्राले बताउनुभयो ।रुखमा देबी शक्ति भएको भन्दै कुर्मीले रुखको किनारमा समयमाईको मन्दिर समेत स्थापना गर्नुभएको छ । रुख र मन्दिरमा सोमवार र बिहीवार भक्तजनाहरुको भिड लाग्ने गरेको छ । तौलिहवा घर भई अहिले दैलेख स्थित परिवार नियोजन संघका ब्यवस्थापक विकास पोख्रेलले रुखमा साक्षात देबीको बास भएको विश्वास गर्नुभएको छ । तौलिहवा जादा हरेका मंगलावार रुखको बहडीलवामाईको दर्शन गर्ने गरेको बताउनुभयो ।‘ बहडीलवा माईले मेरा मनोकाक्षा पुरा गर्नु भएको छ ’ उहाँले भन्नुभयो।बहडीलवा माईका अर्का भक्त कृष्णकेश श्रेष्ठले दैबी शक्ति रहेको भन्दै आफनो लगानीमा नल गाडनुभएको थियो ।भारतको झरुवाबाट मंगलवार बहडीलवामा पुजा गर्न आफना ७ जना साथीहरुसंग पुगनुभएकि अनिता यादवले बहडीलवाको महिमा सुनेर आएको बताउनुभयो ।
‘ भारतमा पनि बहडीलवाको चर्चा छ त्यसैले आफना गाउ छिमेकका भक्तजनहरु समेत यहा आउने गरेका छन ’ उहाले भन्नुभयो । मन्दिरमा १२ बर्ष देखि पुजापाठ गदै आएका सोखा राजेन्द्र यादवले मन्दिरमा भाकल पुरा हुनेले हातीको मुर्ति राख्ने गरेका बताउनुभयो ।रुखको पश्चिम पट्टी मुस्लिम र हिन्दु दुबैले पुजआजा गर्ने मलंगवावा थान समेत रहेको छ । रुख हेर्न आउने भक्तजनाहरुले रुख, समयमाई मन्दिर र सो थानको पुजा गरी फर्कने गरेका छन । तर त्यहा पुग्न बाटोघाटोको समस्या रहेको भक्तजनाहरु गुनासो गर्छन । स्थानीय तुलसीराम यादवले बहडीलवामा धेरै भक्तजनाहरु बाटो नहुदा पुग्न कठिन भएको गुनासो गर्नुभयो । उहाँले बाटो निर्माणकालागि नगरपालिकाले चासो दिनु पर्ने बताउनुभयो । बुद्धुभमी नगरपालिकाका मेयर केशव श्रेष्ठले धार्मिक स्थलकारुपमा विकासित भएको बहडीलवा माई पुग्नकालागि बाटो निर्माणमा नगरपालिको बजेट बिनियोजन गर्ने प्रतिबद्धता ब्यक्त गर्नुभयो ।
