नेपाल भारतको सिमामा नेपालीहरु हप्तौदेखि अलपत्र परेकोमा रातको समयमा लुकिछिपि गरी आउने बढेपछि कोरोको त्रास झन बढेको छ । कपिलवस्तुको बाणगंगा नगरपालिकाकाको क्वारेन्टाइनमा ५० जना पुगेका छन । दुई दिनको अवधिमा ३५ जना क्वारेन्टाइनमा थपिएका हुन । क्वारेन्टाइनमा थपिनेको संख्या दैनिकरुपमा बढ्न थाले पछि बाणगंगाले नगरपालिकाले थप सय बेडको निमार्णको तिव्र तयारी गरेको नगरपालिकाका उपप्रमुख चक्र अर्यालले बताए ।
यो संगै बाणगंगा नगरपालिकाले सम्पुर्ण नगरबासिहरुका लागि नआतिएर पुर्ण रुपमा लकडाउनको पालना गर्न आग्रह गरेको छ । यस्तै बाणगंगा नगरपालिकाका स्वाथ्य शाखा प्रमुख ठगराज पौडेलका अनुसार भारत बाट लुकिछिपी आउनेको संख्यामा बृद्धि भएपछि स्वास्थ्यकर्मीहरु लाई पनि स्ट्यान्डवाई राखिएको र थप बेडको संख्या बढाउन र्तफ लागिएको उनको भनाई छ ।
