कपिलवस्तु,असार,१०/
कपिलवस्तु जेसीजले साताव्यापी विभिन्न कार्यक्रम अघि बढाएको छ । जिल्लामा जेसीजले विगत वर्ष जस्तै यसवर्ष पनि साताव्यापी रचनात्मक कार्यक्रमहरु सञ्चालन गरेको छ । सोही अनुसार जेसीज सप्ताहको चौँथो दिन बुधबार विद्यालय स्तरीय बालबालिकाको क्षमता अभिवृद्धि गर्न ” कोरोना , चुनौती र अवसर ” विषयक वक्तृत्वकला प्रतियोगिता कार्यक्रम सम्पन्न भएको छ । यसका लागि चन्द्रकान्त प्रोख्रेललाई संयोजक बनाईएको थियो ।
उक्त प्रतियोगितामा चिल्ड्रेन प्याराडाइज स्कुलकी छात्रा स्मृति सापकोटा प्रथम , हथौसा लिटल स्टार स्कुलका छात्र सरोज घिमिरे द्वितीय , सिद्धार्थ माविका छात्र विशाल घिमिरे तृतीय एवम् ज्ञानपुञ्ज बोर्डिङ स्कुलका छात्र प्रज्ज्वल बस्याल र हिलबर्ट बोर्डिङ स्कुलकी छात्रा सृष्टि गैरेले सान्त्वना स्थान हाँसिल गर्नुभएको थियो ।
कार्यक्रममा जिल्ला समन्वय समितिकी उपसभापति तारावती थारुले प्रमुख अातिथिको अासनबाट बोल्दै जेसीजले गरेको सामाजिक उत्तरदायित्वले सबैलाई प्रेरणा मिलेको बताउनुभयो । साथै महामारीको यो घडीमा अाफू सुरक्षित रहँदै अरुलाई समेत सुरक्षित राख्न अाग्रह गर्नुभयो । कार्यक्रममा जेसीज पूर्व अध्यक्ष रमेशचन्द्र भुसाल , प्रदिप पौडेल तथा रमेश पौडेलले निर्णायक मण्डलको भूमिका निर्वाह गर्नुभएको थियो । कपिलवस्तु जेसीज २०२० अध्यक्ष मनोज कुमार खत्रीको अध्यक्षतामा सञ्चालित कार्यक्रमको सहजीकरण जेसीज कपिलवस्तुका महासचिव प्रवीण पौडेलले गर्नुभएको थियो ।
जेसीजले जिल्लामा लकडाउनको समयमा पनि विभिन्न रचनात्मक काम गर्दै आएको छ । यसलाई निरन्तरता दिनको लागि कोभिड १९ लाई लक्षित गरि सामाजिक दुरी कायम राख्दै असार १२ गते सम्मको लागि साताव्यापी कार्यक्रमको योजना अघि सारेको हो । कोरोना संक्रमणको समयमा हामी सचेत हुदै आफ्ना योजनाहरु अघि बढाएकाे र यसमा सवैको सकृय सहभागिताको अपेक्षा गरेकाे २०२० का अध्यक्ष मनोज कुमार खत्रीले वैखरी अनलाइनलाई बताउनु भयो ।
साताव्यापी कार्यक्रम अन्तर्गत असार ११ गते जेसीज भवन बैरियामा रक्तदान कार्यक्रम संचालन गरिने छ । यसका लागि मधु शर्मा पौडेललाई संयोजकको जिम्मेवारी दिईएको छ ।
अन्त्यमा असार १२ गते कार्यक्रमको औपचारिक समापन, सम्मान् तथा आगामी योजनाको विषयमा छलफल लगायतका कार्यक्रमहरु जेसीजले संचालन गर्ने गरि योजना अघि सारेको छ । कार्यक्रमको व्यवस्थापन तथा तयारीका लागि कमल क्षेत्रीको संयोजकत्व संगै सदस्यहरुको जिम्मेवारी वाँडफाँड र प्रदान गरिएको अध्यक्ष खत्रीले वताउनु भयो ।
