गृहपृष्ठ खबर दसैंको बेला शक्तिपीठमा भीडभाड नगर्न ७७ वटै जिल्लालाई गृहको निर्देशन

दसैंको बेला शक्तिपीठमा भीडभाड नगर्न ७७ वटै जिल्लालाई गृहको निर्देशन

प्रकाशित मिति:

काठमाडौं : गृहमन्त्रालयले दसैंको समयमा शक्तिपीठहरुमा भीडभाड नगरी नित्यपूजा मात्र गर्न निर्देशन दिएको छ । सबै जिल्ला प्रशासन कार्यालयलाई परिपत्र गरेर गृहले यस्तो निर्देशन दिएको हो।

विश्वव्यापी महामारीको रुपमा फैलिएको कोरोना भाइरस (कोभिड–१९) संक्रमणको जोखिम कायमै रहेको भन्दै गृहले ७७ वटै जिल्ला प्रशासन कार्यालयलाई शक्तिपीठमा भीडभाड हुन नदिन बिहीबार परिपत्र गरेको गृह मन्त्रालयका प्रवक्ता सह-सचिव चन्द्रबहादुर बुढाले जानकारी दिए ।

‘शक्तिपीठमा भीडभाड गर्नु भएन’, गृह प्रवक्ता बुढाले भने, ‘नृत्यपूजाका लागि शक्तिपीठहरु खुल्छन् । तर, त्यहाँ भीडभाड हुन नदिन सबै जिल्ला प्रशासनलाई परिपत्र गरेका छौँ ।’

यसअघि संस्कृति पर्यटन तथा नागरिक उड्डयन मन्त्रालयले दसैंमा शक्तिपीठ तथा मठमन्दिर खोल्न आग्रह गर्दै सीसीएमसीलाई सिफारिस पठाएको थियो । यो विषयमा मन्त्रिपरिषद्ले कुनै निर्णय नगरेको अवस्थामा गृहमन्त्रालयले नृत्यपूजाका निम्ति मात्र शक्तिपीठ खोल्न परिपत्र गरेको हो ।

 

सम्बन्धित् समाचार