गृहपृष्ठ खबर वैकल्पिक सरकार गठनका लागि संख्या नै पुग्दैन्- देउवा

वैकल्पिक सरकार गठनका लागि संख्या नै पुग्दैन्- देउवा

प्रकाशित मिति:

काठमाडौं : नेपाली कांग्रेसका सभापति शेरबहादुर देउवाले वैकल्पिक सरकार गठनका लागि आफ्नो पार्टीमा संख्या नपुग्ने दोहोर्‍याएका छन्। आज आफ्नै निवास बुढानिलकण्ठमा कोरोना संक्रमण रोकथामका लागि सरकारसँग ११ बुँदे माग प्रस्तुत गर्दै यस्तो बताएका हुन्।

देउवाले सरकार गठनका लागि कांग्रेसले चाहेर मात्र नहुने अडान दोहोर्‍याएका थिए। ‘संख्या पुग्नुपर्‍यो नि। संख्या पुगेको छैन। चाहेर हुन्छ?’ सभापति देउवाले भने।

‘अविश्वासको प्रस्ताव दर्ता गर्न पनि संख्या पुगेन ?’ सम्मेलनमा सञ्चारकर्मीको भनाई सुन्नसाथ देउवाले उल्टै प्रश्न गरे, ‘अविश्वासको प्रस्ताव केका लागि गर्ने हो ?’

अविश्वासको प्रस्ताव पास हुने सुनिश्चितता नभई कांग्रेस अघि नबढ्ने उनको भनाई थियो। ‘दर्ता गरिहाले फेल भयो भने एक वर्षसम्म दर्ता गर्नै पाउँदैन नि,’ देउवाले भने।

जसपासँगको कुराकानी जारी रहेको उल्लेख गर्दै देउवाले यसबारे सहमति भएपछि सबैले जानकारी पाउने बताए। ‘छलफल भइरहेको छ, के के कुरा भइरहेको भन्नेबारे त सबै कहाँ भन्छु यार, पछि निश्चित भएपछि भनौंला, तपाईँहरू सबैलाई बोलाएरै भनौँला नि,’ उनले भने।

सम्बन्धित् समाचार