अक्सिजन बोकेर नेपालगञ्जबाट जुम्ला जाँदै गरेको मिनी ट्रक कर्णाली राजमार्गअन्तर्गतको कालीकोटको शुभकालिका–१ को एसमोडमा दुर्घटना हुँदा दुई जनाको मृत्यु भएको छ ।
ना ७ ख ९५१६ नम्बरको मिनी ट्रक दुर्घटना भएको प्रहरी निरीक्षक भूपेन्द्र शाहीले बताए । ‘स्वास्थ्य विज्ञान प्रतिष्ठान जुम्लाका लागि अक्सिजन सिलिन्डर बोकेर आएको मिनी ट्रक दुर्घटना भएको हो,’ उनले भने, ‘मिनी ट्रक कर्णाली नदीमा खसेको छ ।’
दुर्घटनामा परि चालक बाजुरा घर भएका ३२ वर्षीया रमेश शाही घटनास्थलमै मृत्यु भएको मृतक एक जनाको पहिचान नखुलेको प्रहरीले जनाएको छ । घटनाको अनुसन्धान र उद्धारका लागि घटनास्थलमा प्रहरी खटिएको प्रहरी निरीक्षक शाहीले बताए ।
