वैखरी अनलाइन
कपिलवस्तु उद्योग बाणिज्य सघंको बैठक आज सम्पन्न भएको छ । सघंको सभाहल चार नः जितपुरमा पाचौँ नियमित बैठक सम्पन्न भएको हो । बैठकले भोली बुधबारबाट माक्स बैंक स्थापना गर्ने निर्णय गरेको छ । कोरोनाका महामारीको तेस्रो लहर आउने चेतावनी आईरहेका बेला अनिर्वाय माक्स लगाउन र भौतीक दुरी कायम राख्न आवश्यक देखिएकाले सघंको पहलमा भोलीबाट माक्स बैंक स्थापना गर्न बाणिज्य उपाध्यक्ष खुमानन्द घिमिरे संयोजक रहने गरि काम गर्ने निर्णय भएको सघंका अध्यक्ष डोलकराम घिमिरेले बताए ।
साथै बैठकले भदौ ७ गतेबाट सुरु गरी भदौ १५ गतेभित्र सघंको कार्य क्षेत्रमा क्षेत्रगत समिति गठन गर्ने निर्णय गर्दै जिम्मेवारी समेत तोकेको छ ।
त्यस्तै ब्यवसायीहरुलाई कारोबारमा सहज होस भन्नका लागी आइपिएस तालिम सञ्चालन गर्ने निर्णय भएको सघंका महासचिव मनोज पौडेलले जानकारी दिए । आफना सदस्य र उनीहरुका परिवारलाई कोरोना बिरुद्धको खोप ब्यवस्थापनका लागी सम्बन्धीत ठाउमा पहल गर्ने निर्णय भएको महासचिव पौडेलले बताए ।
बैठकले १२ कपिलवस्तु महोत्सवको पुर्व तयारीका लागी छवि रेश्मी मगर संयोजक, बुद्धि बहादुर रोकाहा (दिनेश क्षेत्री) र मिना पौडेल सदस्य रहने गरि पुर्व तयारी समिति समेत गठन गरेको छ ।
बैठकले वस्तुगत उपाध्यक्ष शालिकराम भुसाल र एसोसियट उपाध्यक्ष बिरेन्द्र खाण संयोजक रहने गरी बस्तुगत र एसोसियट तर्फका ब्यवसायीहरुको भेला गर्ने समेत निर्णय गरेको छ । सो अवसरमा सघंका निबर्तमान उपाध्यक्ष उमानाथ पौडेल, बर्तमान बरिष्ठ उपाध्यक्ष छवि रेश्मी मगर लगायतले आआफनो धारणा राखेका थिए ।
