आन्दोलनरत नेपाल बार एसोसिएसन र सर्वोच्च बार एसोसिएसनका कानुन व्यवसायीहरूलाई आन्दोलन छोडेर संवादमा आउन प्रधानन्यायाधीश चोलेन्द्रशमशेर जबराले आग्रह गरेका छन् ।
सोमबार विज्ञप्ति जारी गर्दै सर्वोच्च अदालत परिसरमा भएको धर्नामा नेपाल बार एसोसिएसनका महासचिवलगायत कानुन व्यवसायीहरूलाई चोट लागेकोमा दुःख व्यक्त गरेका छन् । प्रधानन्यायाधीश जबराले यसप्रकारका गतिविधिहरू आगामी दिनमा दोहोरिन नदिने प्रतिबद्धतासमेत व्यक्त गरे ।
अहिले देखिएका गतिरोधहरूको सम्बोधनको उपयुक्त विकल्प संवाद मात्रै भएकाले संवादमा आउन उनले सम्पूर्ण कानुन व्यवसायीहरूलाई आग्रह गरेका हुन् ।
