कपिलवस्तु, पौष १ : कपिलवस्तुको बाणगंगा नगरपालिका वडा नम्बर ८ स्थित मोतिपुर स्वस्थ्य चौकीमा नागरिकहरुलाई महिनावारी सुरक्षा तथा प्याड निर्माणका लागि सिपमूलक तालिम प्रदान गरिएको छ । द लेप्रोसी मिसन टु नेपालको आयोजनामा स्वास्थ्य चौकी मोतिपुरमा विभिन्न क्षेत्रका करिब ४० बढीले एकै दिनमा सो तालिमबाट आफैले प्याड बनाउन सक्ने भएका छन् ।
तालिममा वडा नम्बर ८ का कुष्ठरोग तथा हात्तीपाईले र अपाङ्गता भएका महिलाहरु सहित उनका परिवारका सदस्यको सहभागिता रहेको स्वास्थ्य चौकी प्रमूख हिमलाल घिमिरेले जानकारी दिनुभयो । तालिममा सहभागीहरुले सैदान्तिक ज्ञान तथा सीप हासिल गरी घरमै बसेर प्याड बनाउने र जिविकोपार्जन समेत गर्न सक्ने बनाउनका लागि तालिमको आयोजना गरिएको लेप्रोसी मिसन टु नेपालका जिल्ला सुपरभाइजर भवानी राउतले बताउनुभयो ।
यस्तै तालिममा सिकेका सिपलाई दैनिकरुपमा घरमा बसेर उत्पादनमा लाग्न आनन्दवन अस्पतालका परामर्शकर्ताले बताएका थिए । यस्तै स्वास्थ्य चौकी प्रमूख हिमलाल घिमिरेले सहभागिहरुलाई सफलताको शुभकामना दिदैँ तालिम पछि सिकेका कुराहरुलाई व्यवहारमा लागु गरी नगरपालिकामा चिनाउने गरी काम गर्न आग्रह गर्नुभएको छ ।
