वैखरी अनलाईन, बाणगंगा ।
राष्ट्रिय खेलकुद परिषद् (राखेप)ले गण्डकी प्रदेशमा आयोजना गर्ने नवौं राष्ट्रिय खेलकुद प्रतियोगिताको लागी लुम्बिनी प्रदेशमा फुटवल खेलका लागी छनोट समिति गठन गरिएको छ । प्रतियोगिताको पुर्व तयारीको लागी ३ सदस्यीय छनोट समिति गठन गरिएको हो ।
छनोट समितिमा कपिलवस्तुका तिलक थापा चयन भएका छन् । यस्तै रुपन्देहीबाट यम गुरुङ्ग र बाँकेबाट जनक के.सी. छनोट समितिमा परेका छन् ।
छनोट समितिका सदस्य तिलक थापाका अनुसार समितिले महिला र पुरुष फुटबल टोलीको लागी खेलाडी छनोट गर्ने छ ।
यही असोज २ गतेबाट खेलाडीको छनोट प्रक्रिया सुरु हुने उनले जानकारी दिए । रुपन्देहीको बुटवल एन्फा एकाडेमीबाट खेलाडी छनोट प्रक्रिया सुरु हुने भएको हो ।
