ज्यान मार्ने उद्योग र कुटपिट मुद्दामा कैद र जरिवानाको सजाय तोकिएका प्रतिवादीलाई प्रहरीले बर्दियाबाट पक्राउ गरेको छ । पक्राउ पर्नेमा गुलरिया नगरपालिका–१ बस्ने रुपलाल देवकोटा छन् ।
२०७३ असोजमा बर्दिया जिल्ला अदालतले उनलाई १ वर्ष ११ महिना कैद र १ लाख जरिवाना हुने फैसला गरेको थियो ।
फैसला पछि फरार प्रतिवादीलाई पक्राउ गरेर अदालतमा उपस्थित गराइएको जिल्ला प्रहरी कार्यालय बर्दियाका डीएसपी हिक्मत बोहोराले बताए ।
प्रतिवादीलाई अदालतको आदेशले कारागार कार्यालय बर्दियामा थुनामा पठाइएको डीएसपी बोहोराले जानकारी दिए ।
