युरोकपमा नेदरल्याण्ड्स, रोमानिया र स्विट्जरल्याण्ड छनोट

पराजित आयरल्याण्डले ८ खेलमा ६ अंक जोडेर छनोट प्रतियोगिता सकाएको छ ।

यस्तै समूह आईबाट रोमानिया र स्विट्जरल्याण्ड पनि युरोकपमा छनोट भएको छ ।

रोमानियाले इजरायलविरुद्ध २-१ को पुनरागमन जित निकाल्दै छनोट भएको हो । खेलको दोस्रो मिनेटमै एरान जाहावीले गोल गर्दै इजरायललाई अग्रता दिलाएका थिए । तर १०औं मिनेटमा रोमानियका जर्ज पुस्कासले बराबरी गोल फर्काए । यस्तै इहनिस हागीले ६३औं मिनेटमा गोल गर्दै रोमानिया लाईअग्रता दिलाए ।

८५औ मिनेटमा भ्यालेन्तिना मिहाइलाले रातो कार्ड पाएपछि रोमानिया दश खेलाडीमा समेटिएको थियो तर त्यसले नतिजामा फरक पारेन ।

जितपछि रोमानिया ९ खेलबाट १९ अंक जोडेर समूह आईको शीर्ष स्थानमा छ ।

यस्तै स्वीट्जरल्याण्डले कोसोभोसँग १-१ को बराबरी खेल्दै छनोट भएको हो । रुबेन भर्गासको गोलमा स्वीस टोलीले ५२औं मिनेटमा अग्रता लिएको थियो । तर  कोसोभोले मुहामेत हाईसेनीको पसामा ८२औं मिनेटमा बराबरी गरेको थियो ।

बराबरीपछि ९ खेलबाट १७ अंक जोडेर स्विट्जरल्याण्ड एक खेल अगावै छनोट भएको हो ।