निर्धारित ४३ ओभरको खेलमा कपिलवस्तुले टस जितेर ब्याटिङ रोजेपछि रुपन्देहीले फिल्डिङ गरेको थियो । समुह ए मा रुपन्देही, कपिलवस्तु, पाल्पा र नवलपरासी छन् । समुह बी मा भने बाँके, दाङ्ग र बर्दिया रहेका छन् । समुह ए चरणको पहिलो खेलमा कपिलवस्तुले रुपन्देहीलाई निर्धारित ओभरमा रुपन्देहीलाई ६१ रनले पराजित गरेको छ ।
आउँदो आइतबार कपिलवस्तुले नवलपरासी र सोमबार पाल्पा बिरुद्ध खेल्ने जिल्ला क्रिकेट संघ कपिलवस्तुका अध्यक्ष प्रकाश गैरेले बताए । उनले यो छनौट खेलमा बिजयी हुनु ऐतिहासिक भएको समेत बताए ।
राज अग्रहरीको कप्तानीमा रहेको कपिलवस्तुको क्रिकेट टिमले उत्कृष्ट प्रदर्शन गर्दै आजको खेलमा ऐतिहासिक जित हासिल गरेको गैरे बताउँछन् । उनका अनुसार छनोट खेलमा रुपन्देही, कपिलवस्तु, पश्चिम नवलपरासी, पाल्पा, बांके, बर्दिया र दाङका खेलाडी सहभागी छन् ।
प्रतियोगिताको लुम्बिनी प्रदेश खेलकुद परिषद अध्यक्ष जयप्रकाश भट्टराईले उद्घाटन गरेका थिए । कार्यक्रममा जिल्ला र प्रदेश क्रिकेट संघका पदाधिकारी सहभागि भएका थिए । छनोट खेल पुष २२ गतेसम्म चल्नेछ ।
