लुम्बिनी प्रदेश सरकारका नवनियुक्त उद्योग तथा यातायात व्यवस्था मन्त्री सरोज थापा ‘रोज राणा’ लाई शिवराज नगरपालिकाले स्वागत तथा सम्मान गरेको छ । सोमबार एक कार्यक्रमका बीच मेयर अजय थापा, उप(प्रमुख शिवकुमारी थारुसहितका जनप्रतिनिधिले मन्त्री राणालाई
स्वागत तथा सम्मान गरेका हुन् ।
स्वागत तथा सम्मान कार्यक्रममा स्वागत मन्तव्य राख्दै नगर उप(प्रमुख थारुले शिवराज नगरपालिकाको विकास निर्माण कार्यमा प्रदेशले थप योजन समेटना माग गरेकी छिन् । उनले यस क्षेत्रमा युवाहरुलाई उद्येमी बनाउने कार्यक्रम लागु गर्न आग्रह गरिन् ।
शिवराज नगरपालिका नगर प्रमुख अजय थापाले प्रदेश सभामा यस क्षेत्रमा छाडापशुचौपयाको समस्याले किसनाहरुको खेतीमा नोक्सानी ब्यवहोर्नु परेको विषय प्रदेश सभामा उठान गर्न आग्रह गरे । मेयर थापाले यस क्षेत्रका जनता यातायात कर बुझाउन जान समस्या भएको विषयलाई पनि समाधानका लागि शिवराजको चन्द्रौटामा यातायात कार्यालयको सेवा दिन सेवा केन्द्र संचालन गर्नुपर्ने बताए ।
मन्त्री राणाले यस क्षेत्रका जनतालाई कर बुझाउन बुटवल,भालुवाङ्ग र तौलीहवा अपायक भएको गुनासो आएकोले आफनो पालोमा यस क्षेत्रमा सेवा कार्यालय संचालनका लागि प्रस्ताव अगाडी बढाउने बताए । थापाले आफ्नो कार्याकालमा सेवा केन्द्र संचालनका लागि आफु प्रतिबद्ध रहेको बताए ।
