सुर्खेत ।
वीरेन्द्रनगरमा घरको छतबाट खसेर एक जनाको मृत्यु भएको छ ।
वीरेन्द्रनगर-६ गोदाम लाईनमा रहेको नौलो होटलको पहिलो तलाको छतबाट खसेर दैलेख नौमुले गाउँपालिका-८ चौराठा खतेनाका दिप चन्दको मृत्यु भएको हो ।
शनिवार राति ५१ वर्षीय चन्द छतबाट खसेको जिल्ला प्रहरी कार्यालय सुर्खेतले जानकारी दिएको छ ।
जिल्ला प्रहरी कार्यालय सुर्खेतका डीएसपी लक्ष्मण शाहीले घरको पहिलो तलाबाट दुई घरको बिचमा खाली रहेको ठाउँमा खसेको अवस्थामा शव भेटिएको जानकारी दिए ।
आइतबार बिहान चन्द मृत अवस्थामा भेटिएका थिए । घटनाबारे थप अनुसन्धान भइरहेको प्रहरीले जनाएको छ ।
