तानसेन ।
तानसेनमा जुवा तास खेलिरहेको अवस्थामा ९ जना जुवाडे पक्राउ परेका छन् ।
पक्राउ पर्नेहरूमा तानसेन-६ का ५२ वर्षीय नारायण कुंवर, ३२ वर्षीय सन्तोष रुचाल, ३० वर्षीय सुमन मर्साङ्गी, ३५ वर्षीय दिपेन्द्र थापा, २४ वर्षीय रक्कीमान बज्राचार्य, ३० वर्षीय किरण सूर्यवंशी, ३० वर्षीय गणेश आचार्य र ३० वर्षीय सुजन शाक्य रहेको जिल्ला प्रहरी कार्यालयले जनाएको छ।
तानसेन नगरपालिका–६ भिमसेन टोलका शैलेन्द्र (अनन्त) बहादुर थापाको घरमा जुवातास खेलिरहेको अवस्थामा गोप्य सूचनाका आधारमा थापासहित ९ जनालाई बुधबार साँझ प्रहरीले पक्राउ गरेको हो।
प्रहरीले जुवा खेलिरहेको स्थान बाट नगद २९ हजार १ सय २५ र १ सय ६३ थान तास समेत नियन्त्रणमा लिएको छ। पक्राउ परेका व्यक्तिहरू लाई बिहीबार ४ दिन म्याद थप गरी आवश्यक अनुसन्धान प्रक्रिया अगाडि बढाइएको जिल्ला प्रहरी कार्यालयले जनाएको छ।
