कपिलवस्तु ।
स्थानीय तह उपनिर्वाचनअन्तर्गत शुद्धोधन गाउँपालिका–१ को वडाध्यक्ष पदका लागि आइतबार बिहानदेखि मतदान भइरहेको छ । मतदाताले बिहान ७ बजेदेखि नै मतदान गरिरहेका छन् ।
आधारभूत विद्यालय अन्राठमा ‘क’ र ‘ख’ गरी दुई केन्द्र र पूर्ण केशर मावि बगदी तथा बिकुली पश्चिम डिहको मदर्साका ‘क’ र ‘ख’ केन्द्रमा शान्तिपूवर्क मतदान भइरहेका छन् । निर्वाचनमा वडाध्यक्षका लागि १० दल र ४ स्वतन्त्र गरी १४ जना उम्मेदवार छन् ।
कुल ४ हजार ८६८ मतदाता रहेका छन् । कांग्रेसबाट विजयी वडाध्यक्ष तिलकराम यादवको निधन भएपछि उपनिर्वाचन हुन लागेको हो ।
निर्वाचनका लागि ढुक्कसंग मतदान गर्न सुरक्षाको व्यवस्था कडा पारिएको प्रमुख जिल्ला अधिकारी विश्वप्रकाश अर्यालले बताए । यहाँ ३ मतदान केन्द्र र ६ मतदान स्थल रहेका छन् । बिहान ९ बजेसम्म सबै मतदान केन्द्रमा गरी ६ सय ५५ मत खसेको छ ।
