गृहपृष्ठ Featured राजेश हमाल मंसिर २३ गते १५औं कपिलवस्तु महोत्सवमा आउँदै

राजेश हमाल मंसिर २३ गते १५औं कपिलवस्तु महोत्सवमा आउँदै

प्रकाशित मिति:

वैखरी अनलाईन, बाणगंगा ।

महानायक राजेश हमाल १५औं कपिलवस्तु महोत्सवमा आउने भएका छन् । हमाल यही मंसिर २३ गते आईतबार आउने निश्चित भएको कपिलवस्तु उद्योग बाणिज्य संघका अध्यक्ष गणेश बहादुर क्षेत्रीले जानकारी दिए ।

यस क्षेत्रमा स्थापना हुन लागको कपडा तथा खाद्यान्न बैंकको उद्घाटन गर्नका लागि हमाल १५औं कपिलवस्तु महोत्सवमा आउन लागेको अध्यक्ष क्षेत्रीले जानकारी दिए । उनका अनुसार महानायक हमालले कपडा तथा खाद्यान्न बैंकको उद्घाटन गर्नुका साथै महोत्सवमा आफ्नो प्रस्तुति समेत राख्ने छन् ।

उनले सो शुभकार्यमा सबै कपिलवस्तुवासीलाई सरिक हुनका लागि महोत्सवमा आई अवलोकन गर्न आह्वान समेत गरे ।

बुधबार आज उद्घाटन गरिएको यस महोत्सवमा २ लाख दर्शन भित्राउँदै करिब १० करोडको आर्थिक कारोबार गर्ने आयोजकले लक्ष्य लिएको छ ।

कपिलवस्तु उद्योग बाणिज्य संघको आयोजनामा मंसिर १९ गतेदेखि सुरु भएको १५औँ कपिलवस्तु महोत्सव कृषि पर्यटन तथा औद्योगिक प्रदर्शनी आगामी पुष २ गतेसम्म चल्ने छ ।

सम्बन्धित् समाचार