कपिलवस्तु-११ सैनामैनामा जारी सुनगाभा सैनामैना गोल्डकपको सेमिफाइनलमा प्रवेश गरेको छ । शनिबार सम्पन्न खेलमा कपिलवस्तुले फर्साटिकर युथ क्लबलाई ३-० ले पराजित गर्दै सेमिफाइनलमा प्रवेश गरेको हो ।
पहिलो हाफ गोलरहित रहेको खेलको दोस्रो हाफमा कपिलवस्तुका तर्फबाट विदेशी खेलाडी मोहम्मद इन्द्रेसले २ गोल गरे । त्यस्तै विज्ञान गुरुङले १ गोल थपे ।
२ गोल गरेका नै इन्द्रेस ‘म्यान अफ द म्याच’ घोषित भए ।
फागुन २८ गतेसम्म सञ्चालन हुने प्रतियोगितामा आइतबारदेखि सेमिफाइनलका खेल हुने आयोजकले जनाएको छ ।
सेमिफाइनलको पहिलो खेल आयोजक मुर्गिया फुटबल क्लब र अभिषेक चर्च नवलपुरबीच हुने खेल संयोजक अशोक खड्काले जानकारी दिए ।
