काठमाडौं ।
आईसीसी च्याम्पियन्स ट्रफीको फाइनल खेल न्यूजिल्यान्ड र भारतबीच दुबईमा सुरू भएको छ । टस जितेको न्यूजिल्यान्डले पहिले ब्याटिङ रोज्यो ।
दुबई इन्टरनेसनल क्रिकेट रंगशालामा भइरहेको खेलमा भारतले यसअघि सेमिफाइनल जितेकै टीम उतारेको छ । न्यूजिल्यान्डले भने एक परिवर्तन गर्न वाध्य भयो । टीमका प्रमुख बलर म्याट हेनरीले चोटका कारण फाइनल गुमाएका छन् । उनको स्थानमा नाथन स्मिथलाई खेलाइएको छ ।
भारतले लगातार तेस्रोपटक फाइनल खेलेको हो । अघिल्लो संस्करणमा पाकिस्तानसँग भारत पराजित भएको थियो । त्यसअघि ईंग्ल्यान्डलाई फाइनलमा हराउँदै भारतले उपाधि जितेको थियो ।
न्यूजिल्यान्डले सन् २००० मा भएको च्याम्पियन्स ट्रफी जितेको थियो ।
