काठमाडौं । मुम्बई इण्डियन्सले सनराइजर्स हैदरावादलाई पराजित गरेको छ ।
जारी आइपिएल अन्तगत गएराती सम्पन्न खेलमा मुम्बईले सनराइजर्सलाई ४ विकेटले पराजित गरेको हो । सनराइजर्सले दिएको १६३ रनको लक्ष्य पछाएको मुम्बईले १८.१ ओभरमा ६ विकेट गुमाउदै लक्ष्य पुरा गरेको थियो ।
मुम्बईको जितमा विल ज्याकले ३६, रयान रिकेलटनले ३१, रोहित शर्मा र सूर्यकुमार यादवले २६-२६ रन बनाएका थिए ।
यस अघि टस हारेर पहिला ब्याटिंग गरेको सनराइजर्सले २० ओभरमा ५ विकेट गुमाउदै १६२ रन बनाएको थियो ।
यो यस सिजनमा मुम्बईको तेस्रो जित हो । ७ खेलमा ३ जित र ४ हारसहित मुम्बईको ६ अंक भएको छ । त्यस्तै सनराइजर्सले भने पाँचौं हार बेहोरेको छ । ७ खेलमा २ खेल जितेको सनराइजर्सको ४ अंक रहेको छ ।
आइपिएल अन्तर्गत आज रोयल च्यालेन्जर्स बैंगलुरु र पञ्जाव किंग्सबीच खेल हुदैछ ।
