काठमाडौँ । अमेरिकाको एरिजोना राज्यस्थित चिन्ले विमानस्थलमा मंगलबार एक मेडिकल ट्रान्सपोर्ट विमान दुर्घटना हुँदा चार जनाको मृत्यु भएको छ।
दुर्घटनामा ज्यान गुमाउने सबै जना मेडिकल कर्मचारी रहेको अधिकारीहरूले जनाएका छन् । ती कर्मचारी नजिकैको अस्पतालबाट बिरामी लिन गएका थिए।
प्रहरीका अनुसार विमान न्यु मेक्सिकोको अल्बुकर्कस्थित एक कम्पनीको स्वामित्वमा रहेको थियो। कम्पनीले मृतकका आफन्तलाई जानकारी गराइसकेको जनाइएको छ। हालसम्म मृतकहरूको पहिचान सार्वजनिक गरिएको छैन।
