वैखरी अनलाईन, बाागंगा।
जेन्जी आन्दोलनका क्रममा जेलबाट भागेर लामो समयदेखि फरार रहेका एक जना प्रतिवादीलाई कपिलवस्तु प्रहरीले पक्राउ गरेको छ ।
जिल्ला प्रहरी कार्यालय कपिलवस्तुले बालविवाह मुद्दामा कपिलवस्तु जिल्ला अदालतबाट दुई वर्षभन्दा बढी कैद सजाय तोकिएका फरार प्रतिवादीलाई शुक्रबार पक्राउ गरेको हो । पक्राउ पर्ने व्यक्ति कपिलवस्तु नगरपालिका–४ निवासी सुरेश कोहार रहेका छन् ।
प्रहरीका अनुसार भाद्र २४ गते जेन्जी आन्दोलनका क्रममा जेलबाट भागेका र हालसम्म फरार रहेका कैदी तथा प्रतिवादीहरूको खोजी कार्यलाई तीव्र बनाइएको छ ।
सोही क्रममा सुरेश कोहारलाई पक्राउ गरी आवश्यक कानुनी प्रक्रिया अघि बढाइएको जिल्ला प्रहरी कार्यालय कपिलवस्तुले जनाएको छ ।
प्रहरीले फरार रहेका अन्य कैदी तथा प्रतिवादीको खोजी कार्य निरन्तर जारी रहने पनि जानकारी दिएको छ ।
