काठमाडौं ।
केही समय अघि भ्रमणका लागि अष्ट्रेलिया पुगेकी गायिका समीक्षा अधिकारीको एका-एक प्रेम चर्चा सुरु भयो । अष्ट्रेलियामै भएका नायक आमेश भण्डारीसँगको ब्याक टु ब्याक टिकटक देखेपछि दर्शकहरुले यी दुई प्रेममा भएको हुनसक्ने अड्कल काट्न थाले । टिकटकमात्र नभई एकअर्काको जन्मदिनमा समेत जोडी तस्विर राखेर बर्थडे विस गरेको देखेपछि दर्शक झनै अलमलमा परे ।
केही समयको अष्ट्रेलिया बसाईपछि समिक्षा नेपाल फर्किइन् । यतिबेला आमेश पनि घर फर्किएका छन् । नेपाल फर्किएलगत्तै उनले एक टेलिभिजनलाई अन्तर्वार्ता दिएका छन् । अन्तर्वार्तामा उनले समिक्षाको परिवारबाट प्रस्ताव आए आफू समीक्षासँग विवाह गर्न तयार भएको बताएका छन् ।
प्रेम चर्चाबीच आमेशले दिएको यस्तो अभिव्यक्तिले दर्शकलाई यी दुईबीच निकटता बढेको हुनसक्ने संकेत मिलेको छ ।
‘तर उनले आफू र समीक्षा प्रेममा नरहेको बताएका छन। विवाह गर्न तयार भए तापनि हाल समीक्षा आफ्नो मिल्ने साथी मात्र भएको उनको भनाइ छ’, उनले भनेका छन्, ‘टिकटकमा हाम्रो जोडी राम्रो देखेकाले दर्शकले यस्तो ठान्नु भएको होला तर अहिले हामी प्रेममा छैनौं । पछि के हुन्छ थाहा छैन । जे पनि हुनसक्छ ।’
