गृहपृष्ठ कपिलवस्तु बिशेष कपिलवस्तुमा ४० करोड लगानीमा खुल्यो चाउचाउ उद्योग

कपिलवस्तुमा ४० करोड लगानीमा खुल्यो चाउचाउ उद्योग

एसियन थाई फुड्स प्रालिले कपिलवस्तु नगरपालिका–६ गोबरीमा उद्योग सञ्चालनमा ल्याएको  छ । मोरङमा दुई दशक अघि सञ्चालनमा आएको उसले दोस्रो शाखाका रूपमा कपिलवस्तुमा उद्योग स्थापना गरेको हो ।

उद्योगमा ‘प्रीति’, ‘टुपीएम’, ‘रमपम’ लगायत चाउचाउ उत्पादन सुरु गरेको छ ।

अढाई बिघा क्षेत्रफलमा स्थापना गरेको उद्योगमा सुरुमा चाउचाउ र पछि अन्य उत्पादन गरिने जनाइएको छ ।

प्रालिका प्रबन्धक महेश जाजुले उद्योगमा उत्पादन भएका चाउचाउ ३० बढी देशमा निर्यात समेत हुने गरेको बताए । अन्य स्नयाक र मसला उत्पादन गर्ने मेसिन समेत उद्योगमा रहेकाले ६ महिनापछि उत्पादन गर्ने उनले जानकारी दिए ।

यहाँबाट अन्यत्र लैजान र देशको मध्य भागमा पनि पर्ने र सडक सुविधा पनि भएकाले वितरणमा सहज हुने उनको भनाइ छ । उद्योगमा अहिले ४० करोड लगानी भएको बताएका उनले चालु पुँजीमा थप २० करोड रकम आवश्यक पर्ने पनि खुलाए ।

सम्बन्धित् समाचार