इजरायलमा मिसाइल आक्रमण : ८ जनाको मृत्यु, ८७ घाइते

उत्तरको बन्दरगाह सहर हैफामा करिब ३० जना घाइते भएका छन् । उद्धारकर्मीहरू घटनास्थलमा खोज तथा राहत कार्यमा जुटेका छन् । स्थानीय सञ्चारमाध्यमका अनुसार बन्दरगाह नजिकैको विद्युत उत्पादन केन्द्रमा आगलागी भएको छ ।

इरानको सरकारी टेलिभिजनका अनुसार इरानले कम्तीमा १०० वटा मिसाइल इजरायलतर्फ प्रहार गरेको छ । यो आक्रमण शुक्रबार इजरायलले तेहरानमा गरेको आणविक कार्यक्रम तथा सैन्य नेतृत्वमाथिको आश्चर्यजनक आक्रमणको बदलाको रुपमा गरिएको इरानले भनेको छ ।

इरानी रिभोलुसनरी गाड्र्सले यसपटकको आक्रमण नयाँ तरिकाले गरिएको दाबी गर्दै भनेको छ, ‘यसले इजरायलको धेरै तहको प्रतिरक्षा प्रणाली आफैं एकआपसमा भिड्ने स्थिति सिर्जना भयो ।’ यद्यपि, इजरायली सेनाले यसबारे प्रतिक्रिया दिएको छैन ।