रुपन्देही ।
अख्तियार दुरुपयोग अनुसन्धान आयोगले रुपन्देहीको मर्चवारी गाउँपालिकाका- ३ का वडा अध्यक्ष जनार्दन यादवसमेत २ जनाविरुद्ध भ्रष्टाचार गरेको मुद्दा दायर गरेको छ ।
अख्तियारले वडाअध्यक्ष यादवले विभिन्न योजनाको निर्माण कार्य सम्पन्न भएपश्चात भुक्तानी सिफारिस गर्न तीन लाख घुस लिएको आरोपमा मुद्दा दायर गरेको जनाएको छ ।
वडाअध्यक्ष यादवले सो रकम गणेश ट्रेडिङका संचालकका छोरा विपिन कुमार पाण्डेयलाई लिन लगाएको र पाण्डेयले घुस लिएको अवस्थामा नियन्त्रण लिएको थियो ।
अक्तियारका प्रवक्ता राजेन्द्रकुमार पौडेलले वडाध्यक्ष यादव र यसमा सहयोग गर्ने पाण्डेयविरुघ तीन तीन लाख रुपैयाँ बिगो माग गर्दै विशेष अदालत, काठमाडौंमा आरोप(पत्र दायर भएको जनाएका छन् ।
