दुबईमा खस्यो भारतको लडाकु विमान (भिडिओ)

एपी समाचार एजेन्सीका अनुसार दुर्घटना शुक्रबार भारतीय समय दिउँसो ३:४० बजे भएको हो।

दुर्घटनाग्रस्त हुँदा विमानमा आगो लागेको थियो र विमानस्थलमाथि कालो धुवाँको मुस्लो देखिएको थियो।

वायुसेनाले दुर्घटनामा पाइलटको मृत्यु भएको बताएको छ। दुर्घटनाको कारण अनुसन्धान गर्न आदेश दिइएको छ।

भारतीय वायुसेनाको तेजस जेट दुर्घटना भएको यो दोस्रोपटक हो। यसअघि २०२४ मा राजस्थानको पोखरणमा युद्धाभ्यासका क्रममा इन्जिन फेल भएका कारण तेजस विमान दुर्घटना भएको थियो।