अमेरिकाको क्यालिफोर्नियामा क्रिसमसकै दिन बिहीबार रातभर भएको भारी वर्षा र बाढीका कारण तीन जनाको मृत्यु भएको छ। स्थानीय अधिकारीहरूका अनुसार क्यालिफोर्नियाका अधिकांश स्थानमा बाढी र पहिरोको अवस्था छ।
लस एन्जलस काउन्टीका केही भागमा २७ सेन्टिमिटरसम्म वर्षा भएको छ। जसका कारण त्यहाँका बासिन्दालाई अन्यत्र सारिएको छ, प्रमुख सडक बन्द अवरुद्ध भएका छन्।
आँधीबेहरी र वर्षा शुक्रबारसम्म जारी रहने अनुमान गरिएको छ।
आपत्कालीन उद्धार टोली उद्धारमा खटिएका छन्।
बाढीमा परी सवारीसाधनमा फसेका मानिसहरूलाई उद्धार गरिएको छ।
क्यालिफोर्नियाका गभर्नर गेभिन न्युसमले बुधबार लस एन्जलस र दक्षिणी क्यालिफोर्नियाका अन्य काउन्टीमा आपत्काल घोषणा गरेका छन्।
बीबीसीका अनुसार राज्यका झन्डै लाख मानिस बिजुलीविहीन भएका छन्।
