झापामा बसको ठक्करबाट एक बालकको मृत्यु भएको छ।
गौरादह नगरपालिका–७ स्थित सजग एकता बोर्डिङ स्कुलको बसले ठक्कर दिँदा सोही विद्यालयमा अध्ययनरत चार वर्षीय बालकको ज्यान गएको हो।
जिल्ला प्रहरी कार्यालय झापाका प्रवक्ता खगेन्द्रबहादुर खड़काले बोर्डिङ स्कुलको को. १ ख ६९४० नम्बरको बसले सोही विद्यालयमा अध्ययनरत आरोग्य चिमरियालाई ठक्कर दिएको थियो।
बुधबार दिउँसो पढाई सकेर घर फर्किएका बालकलाई बसबाट विद्यार्थी ओराल्ने क्रममा बसले ठक्कर दिँदा घटनास्थलमै मृत्यु भएको प्रवक्ता खड्काले जानकारी दिए।
घटनापछि बस चालक गौरादहका ५७ वर्षीय लालबहादुर बस्नेतलाई प्रहरीले पक्राउ गरेको छ।
