इरानको स्वास्थ्य मन्त्रालयले हालै अमेरिकाले गरेको आक्रमणमा एक महिलासहित १७ जनाको मृत्यु भएको बताएको छ।
बीबीसी फारसीका अनुसार इरानको स्वास्थ्य मन्त्रालय सूचना केन्द्रका प्रमुख हुसेन करमानपुरले जुलाई ८ र ९ मा अमेरिकाले गरेको हमलामा ११५ जना घाइते पनि भएको बताएका छन्।
स्वास्थ्य मन्त्रालयका अनुसार केही घाइतेलाई उपचारपछि अस्पतालबाट डिस्चार्ज गरिएको छ।
होर्मुज स्ट्रेटमा तीनवटा जहाजमा आक्रमण गरेको भन्दै अमेरिकाले इरानका बन्दर अब्बास, केसम, सिरिक, चाबहार र बुसेहरमा आक्रमण हमला गरेको थियो।
यसैबिच अमेरिकाका राष्ट्रपति डोनाल्ड ट्रम्पले शनिबार फेरि इरानलाई धम्की दिएका छन्।
उनले सामाजिक सञ्जालमार्फत भनेका छन्, ‘यदि इरानले मेरो हत्या गर्ने प्रयास गर्यो भने अमेरिकाले ठुलो आक्रमण गर्नेछ।’
