वडा कार्यलय निर्माण संर्घष समिति शितगंगा नगरपालिका वडा नम्बर १३ ले वडा कार्यलय बनाउने विषयलाई लिएर ने.क.पा.को नगर कार्यलयमा ज्ञापन पत्र पेश गरेको छ । वडा नम्बर १३ को वडा कार्यलय कहाँ बनाउने भन्ने विषयमा तीव्र विवाद हुदाँ हुदै पनि केही नेता र व्यापारीको स्वार्थका निम्ति एकलौटी निर्णय गरीएको बताईएको छ । निर्णयमा सबै वडावासीका लागी पायक नपर्ने ठाउँ छेंडामा वडा कार्यलय बनाउने भनि निर्णय गरीए संगै वडावासीले तीव्र विरोध जनाईरहेका छन् ।
सबै वडावासीलाई पायक पर्ने ठाउँ देउरालीमा वडा कार्यलय बनाउनुपर्र्ने वडावासीको माग छ । देउराली भौगोलिक दृष्टिकोणले पनि सबै वडावासीका लागी उपयुक्त ठाउँ हुने भएकाले देउरालीमा नै वडा कार्यलय बनाएर वडावासीको माग पुरा गर्नुपर्ने ज्ञापन पत्रमा भनिएको छ ।
कसैको एक पक्षीय निर्णयले सम्पुर्ण नेकपा समर्थकको भावनामा ठेस पुगेको बताईउको छ । देउरालीलाई ओझेलमा पार्न खोजिएको वडावासीको गुनासो रहदंै आएको छ । शितगंगा नगरपालिका वडा नम्बर १३ को पार्टी कमिटीले साविकको सिमलपानी गाविस वडा नम्वर ७,८ र ९ का बस्तीसंग कुनै पनि सरसल्लाह र समन्वय नगरी वडा कार्यलय बनाउने ठोस निर्णय गरेको प्रति सम्पुर्ण वडावासीको धोर आपत्ति रहेको प्रस्तुत ज्ञापन पत्रमा भनिएको छ ।
