कपिलवस्तु ९ बैशाख
राष्ट्रिय गौरवको सौर्य मेघा परियोजनाको संचालनका लागि बिहीवार कपिलवस्तुको बाणगंगा नगरपालिका र चीन सरकारको प्यारामेन्ट कम्पनी र राइजेन इर्नजी लिमिटेड बिच बिहीवार सम्र्झौता भएको छ । १ सय २५ मेघावाट बिद्युत उत्पादनकालागि ११ अरब २५ करोडको सौर्य मेघा परियोजनाको दुई पक्ष बिच नगरपालिकाको कार्यालमा संझौता गरिएको हो । चीन सरकारबाट निर्माण कम्पनीका प्रोजेक्ट म्यानेजर मिस्टर वाङ र नगर प्रमुख मंगल प्रसाद थारुले सोमवार संझौतामा हस्ताक्षर गेरेका थिए । नगरपालिकाको वडा नम्बर ७ खारखानीमा रहेको सरकारी जग्गामा परियोजना संचालन हुनेछ ।
सौर्य मेघा परियोजनाबाट १ सय २५ मेगावट सौर्य विद्यूत उत्पादन हुने छ । २० मेगावाट स्टोरजेव क्षमताले बाणगंगा नगरपालिका जुनसुकै स्थितिमा पनि लोडसेडिङ नहुने बताइएको छ । यो परियोजनाले कपिलवस्तुको बाणगंगा नगरपालिकाको मुहार फेरिने नगर प्रमुुख थारुले बताए। । ‘ प्रदेशकै ठुलो आयोजनाले अब सिंगो जिल्लाको नाम चक्किने छ ’ उनले भने ‘ सिंगो बाणगंगाको मुहार फेरिने निश्चित भएको हो ।’ यो नगरको लागि सबैभन्दा ठुलो उपलब्धि हुने उनले बताए । यो योजना बढीमा ३ बर्षभित्र बनाएर सकिने छ । नेपाल सरकारले पनि काम गर्न निर्माणमा कम्पनीलाई अनुमति दिइसकेकोले नगरसंगको सम्झ्यौतापछि तुरुन्त काम सुरु हुने कम्पनीका प्रोजेक्ट म्यानेजर मिस्टर वाङले बताए । नेपालका प्रतिनिधि राइजोन प्रतिनिधि छविलाल सिटौलाले परियोजनाले यो परियोजनाले जिल्लाको आर्थिक र पर्यटन विकासमा सहयोग गर्ने बताए । यस्तै प्रकृतिाको सौर्य परियोजना बाकेको कोहलपुरमा समेत निर्माण हुनेछ ।
लुम्बिनी प्रदेशको बाणगंगा र कोहलपुरमा निर्माण हुने सोर्य परियोजनाले प्रदेशकै उर्जा संकट टार्ने उनले बताए । गत असार ५ गते बसेको लगानी बोर्डको ४४ औँ बैठकले कम्पनीलाई सम्भाव्यता अध्ययनको अनुमति दिने निर्णय गरेको थियो । यो परियोजनाको लागि यस क्षेत्रकै पुराना वामपन्थी नेता लक्ष्मण रायमाझीले मुख्य पहल गरेका थिए ।हस्ताक्षर कार्यक्रमर्मा चीन सरकारबाट निर्माण कम्पनीका प्रोजेक्ट म्यानेजर मिस्टर वाङ, म्यानेजिङ डाइरेक्टर मिस्टर जोउ र उप मेयर चक्रपाणी अर्याल लगायतको सहभागीता थियो ।
