कोभिड-१९ संकट व्यवस्थापन केन्द्र (सीसीएमसी) ले भारतसँग जोडिएका सीमानाकाबाट नेपाली नागरिकबाहेकलाई नेपाल प्रवेशमा रोक लगाउन सिफारिस गरेको छ ।
आइतबार बसेको सीसीएमसीको बैठकले भारतसँग जोडिएका सीमानाकाबाट नेपाली नागरिकबाहेकलाई नेपाल प्रवेशमा रोक लगाउन सरकारलाई सिफारिस गर्ने निर्णय गरेको हो ।
छिमेकी देश भारतमा कोरोना संक्रमण तीव्र रुपमा फैलिँदै गएपनि सरकारले नाकामा कडाइ गरेको छैन ।
सरकारले भारतमा कोरोना संक्रमण बढेपनि नाका बन्द नगरेको भन्दै चर्को आलोचना हुँदै आएको छ । सीमानाकाबाट नेपाली नागरिकलाई भने आउन रोक लगाइएको छैन ।
नेपाली नागरिकलाई स्वदेश आउन दिइने तर, १४ दिन क्वारेन्टाइनमा बसेर पीसीआर परीक्षण गरेपछि मात्रै घर जान दिइने छ ।
