काठमाडौं : मन्त्रिपरिषद् बैठकले अक्सिजन सिलिन्डरमा कर छुट दिने निर्णय गरेको छ। कोरोना महामारीका कारण अस्पतालहरुमा आवश्यक अक्सिजन सिलिन्डरको अभाव हुन नदिने उद्देश्यले सरकारले कर छुट दिने निर्णय गरेको संचार तथा सूचना प्रविधि मन्त्री पार्वत गुरुङले जानकारी दिए।
भारतको अस्पतालहरुमा अक्सिजनको अभावमा भएर धेरै मानिसको मृत्यु भइरहेको छ। नेपालमा समेत कोरोना भाइरसको संक्रमित बढ्दै गएको र अस्पतालमा अक्सिजन अभाव हुन सक्ने भन्दै पूर्व तयारी गर्नुपर्ने माग जनस्वास्थ्यविदहरुले उठाइरहेका छन्।
हाल नेपालमा अक्सिजनको अभाव हुने सम्भावना नरहे पनि अक्सिजन सिलिन्डरको भने अभाव रहेको सरोकारवालाहरुले बताएका छन्। उनीहरुले नेपालालाई दैनिक आवश्यक पर्ने अक्सिजन उत्पादन हुने भन्दै सिलिन्डरको व्यवस्थामा जोड दिनुपर्ने बताउँदै आएका छन्।
