सरकारले जनता समाजवादी पार्टीका १२० कार्यकर्ताको मुद्दा फिर्ता लिएको छ ।मन्त्रिपरिषद्को निर्णय सार्वजनिक गर्न आयोजित पत्रकार सम्मेलनमा सरकारका प्रवक्ता पार्वत गुरुङले १२० जनाको मुद्दा फिर्ता लिएको बताएका हुन् ।
नेपाल सरकार वादी भई परेका मधेस आन्दोलनसँग सम्बन्धित १५ वटा मुद्दा फिर्ता लिएको उनले बताए । ‘कानुनी हिसाबमा फिर्ता लिन सकिने नेपाल सरकार वादी भई चलाएको फौजदारी मुद्दाहरू फिर्ता लिने निर्देशिका २०७७ बमोजिम १५ वटा मुद्दा फिर्ता लिने निर्णय गरेको हो,’ उनले भने ।
मधेसवादी आन्दोलनमा सहभागी भएका कारण मुद्दा खेपिरहेका जसपा पार्टीका कार्यकर्ताहरूको मुद्दा फिर्ता गरेको उनको भनाइ छ । उनले विप्लव र अन्य राजनीतिक दलका कार्यकर्ताहरूका विरुद्ध परेका मुद्दा फिर्ता हुने बताए । कानुन र संविधानबमोजिम फिर्ता लिन सक्ने मुद्दाहरूलाई मन्त्रिपरिषद्ले निरन्तर फिर्ता लिँदै जाने उनले बताए ।
मुद्दा फिर्ता भएकाहरूको सूची :
.jpg)
