नेपाली कांग्रेसका वरिष्ठ नेता रामचन्द्र पौडेलले आफू पक्षीय केन्द्रीय सदस्यहरूको बैठक बोलाएका छन् ।
महामन्त्री डा. शशांक कोइरालाको निवास महाराजगञ्जमा आज दिउँसो ३ बजे बस्ने बैठकमा पौडेल पक्षीय केन्द्रीय पदाधिकारी तथा केन्द्रीय सदस्यलाई बोलाइएको केन्द्रीय सदस्य बद्री पाण्डेले जानकारी दिए ।
बैठकमा १४औँ महाधिवेशन र क्रियाशील सदस्यता विवादबारे छलफल हुने पाण्डेले बताए ।
नेता पौडेलले आज बिहान पार्टी नेतृत्वप्रति असन्तुष्टि जनाएका थिए । उनले समयमै महाधिवेशन नगरी पार्टीलाई निर्वाचन आयोगमा भिख माग्नुपर्ने अवस्थामा पुर्याएको भन्दै आलोचना गरेका थिए ।
