मोरङको रंगेलीमा खोलामा डुबेर दुई जना भारतीय युवकको मृत्यु भएको छ ।
रंगेली-६ स्थित भन्सार टोलका सुरेश साहको घरमा छठ मनाउन आएका दुई जना भारतीय युवकको बुधबार साँझ बक्राह खोलामा डुबेर मृत्यु भएको हो ।
खोलामा डुबेर भारतको मध्यपूरा जिल्ला सिंहेश्वरथानाका २१ वर्षीय विट्टु साह र १८ वर्षीय राजा साहको मृत्यु भएको इलाका प्रहरी कार्यालय रंगेलीका प्रहरी निरीक्षक अनमोल खड्काले जानकारी दिए ।
छठ पूजाका लागि घाट बनाएर खोलामा नुहाउने क्रममा डुबेर उनीहरुको मृत्यु भएको प्रहरी निरीक्ष खड्काले बताए । खोलामा नुहाउने क्रममा डुबेर राजा बेपत्ता भएका थिए भने विट्टु साह घाइते भएका थिए । घाइते विट्टुको रंगेली अस्पतालमा उपचारका क्रममा मृत्यु भएको प्रहरीले जनाएको छ।
खोलामा डुबेर बेपत्ता भएका राजाको शव सशस्त्र प्रहरी बल नेपाल कंकालिनी गण मोरङको गोताखोर टोलीले भेटाएको थियो । दुवै जनाको शव पोष्टमार्टमका लागि रंगेली अस्पताल पठाइएको प्रहरीले जनाएको छ ।
