गजल
धर्तीलाई सोध अनि आकाशलाई सोध।
गरिबी के हो झुपडीको बासलाई सोध।
दुई हात जोड्छु मलाई नसोध बिन्ती ,
लालाबालाको आधा गाँसलाई सोध।
जाडो छेक्छौ कि छेक्दैनौ तिमीले
कसैको लाजै नढाक्ने हरको कपासलाई सोध।
इज्जत हुन्छकी ? हुँदैन? गरिबहरुको,
उध्रेको चोली हेर्ने बदमासलाई सोध।
तिमेसङै सपना जलाउँ कि नजलाउँ,
रातो बाकस भित्रको लासलाई सोध।
प्रतीक्षा शर्मा कान्छी मध्यनेपाल नगरपालिका ६,लमजुङ
