कपिलवस्तु-१ मा बलदेवलाई पूर्व सहकर्मीको टक्कर, जित जोगाउन चुनौती

२०७० मा यहि निर्वाचन क्षेत्रबाट निर्वाचित भई संविधानसभा सदस्य भएका अधिकारी २०७४ सालमा माओवादीसँगको वाम गठबन्धन भएपछि खनालले टिकट पाएका थिए । २०७० मा अधिकारीसँग पराजित भएका खनाल अहिले गठबन्धनको बलमा अहिले पुनः उनै अधिकारीसँग चुनावी प्रतिश्प्रर्धामा उत्रीएका हुन् । उनी दोस्रो पटक सांसद बन्ने योजनामा छन् भने अधिकारी पनि दोस्रो पटकका लागि प्रतिनिधीसभाको संसदमा पुग्ने दाउमा छन् । यहाँ यसपटक दुबै नेताहरुका बिचमा कडा प्रतिश्प्रधा हुने देखिएको छ ।

अधिकारी संविधान सभा सदस्य हुन भने खनाल कृषि मन्त्री बनिसकेका नेता हुन । उम्मेदवारी दर्तासँगै चुनाव प्रचार-प्रसार सुरु गरेका दुवै उम्मेदवारले विगतमा आफुले जिल्लामा खेलेका भूमिका प्रस्तुत गर्न थालेका छन् ।

आइतबार उम्मेदवारी दर्ता गरेलगत्तै खनालले जितका लागि आफु ढुक्क भएको दाबी गरेका थिए भने अधिकारीले पनि यसपटक गठबन्धनका उम्मेद्धारलाई हराएर एमालेबाट आफुले जित्ने जिकीर गरेका थिए ।

२०६४ को निर्वाचनमा एमालेका बलराम अधिकारी झिनो मतले पराजित भएका थिए । त्यतिबेला नेपाली कांग्रेसका दिपकुमार उपाध्याय विजयी भएका थिए । त्यस यताका निर्वाचनमा उपाध्याय पराजित हुदै आएका छन् । लगातार कपिलवस्तु क्षेत्र नम्बर १ बाट प्रतिनिधि सभाका लागि टिकट पाइराखेका कांग्रेस नेता उपाध्याय यस पटक पनि उम्मेद्धारका रुपमा सिफारिस भएका थिए तर गठबन्धनका कारण उनले टिकट पाएनन् ।

यसपटक उनले आफैलाई पारजित गरेका नेता खनाललाई समर्थन गर्न बाध्य बनेका छन् ।