वैखरी अनलाइन, बाणगंगा
कपिलवस्तु जिल्लाको बाणगंगा नगरपालिकाका युवा ब्यवसायी पर्शुराम पन्तको निधनमा नेपाली कांग्रेसले शोक सभा सम्पन्न गरेको छ ।
शोक सभा कार्यक्रम नेपाली कांग्रेस बाणगंगा वडा नः १ को कार्य समितिले बाणगंगा १ वैरीया उनकै घरमा शोक सभा सम्पन्न गरेको हो ।
यस क्षेत्रमा युवा ब्यवसायीका रुपमा परिचित पन्तको ५१ बर्षको उमेरमा गत पौष ११ गते ५१ हृदयघातका कारण गत आइतबार मृत्यु भएको थियो । उनको घरमा एक श्रीमति , १ छोरा बुहारी, र छोरी रहेका छन ।
पन्त बिगत दुई दशक लामो समयदेखि दर्जनौ संस्थामा आवद्ध भई काम गर्दै आएका थिए ।
शोक सभा कार्यक्रममा बोल्दै नेपाल जिल्ला कार्य समिति कपिलवस्तुका पुर्व जिल्ला सभापति तथा नेपाली कांग्रेसका नेता राजेश आर्चायले पन्तको पार्टी सगंठन निमार्णदेखि यस क्षेत्रको सामाजिक बिकासमा ठुलो योगदान गरेको बताए ।
काम गर्न पदनै चाहिन्न भन्ने उदेश्यका साथ सामाजिक गतिविधिमा सक्रिय पन्तको जिवनिबाट सबैले पाठ सिक्नु पर्ने बताए ।
साथै सो अवसरमा नेपाली कांग्रेस जिल्ला कार्य समिति कपिलवस्तुका जिल्ला सचिव खोम बहादुर सिहं ठकुरी (शक्ति), नेपाली कांग्रेसका नेता दुर्गा केसि, बिष्णु थापा लगायतले शोक मन्तब्य राखेका थिए ।
शोक सभामा नेपाली काग्रेसका डोलकराम घिमिरे, टेक बहादुर शाही, सर्जु थारु लगायत दर्जन बढि कांग्रेसका नेता तथा कार्यकताको सहभागिता रहेको थियो । सभा वडा सभापति राम प्रसाद घिमिरेको अध्यक्षता र नवदत्त घिमिरेकोको सञ्चालनमा सम्पन्न भएको थियो ।
