बुटवल ।
बुटवल उपमहानगरपालिका–१० स्थित बुटवलमण्डपको साढे ६ बिघा क्षेत्रफलमा बनेको एक हजार जना क्षमताको बुटवल अन्तर्राष्ट्रिय सम्मेलन केन्द्र सञ्चालन कार्यविधि परिमार्जनका लागि विज्ञसहितको टिम गठन गर्ने तयारी भएको छ ।
यसअघि सहरी विकास मन्त्रालयमा कार्यविधिको मस्यौदामाथि पटक पटक छलफल भएको थियो । सो छलफलपछि गत भदौमा अर्थ मन्त्रालयमा सहमतिका लागि पठाइएको थियो ।
उक्त मस्यौदालाई फाइनल गरी बिजनेस मोडलसहित पेस गर्न सहरी विकासमन्त्री विक्रम पाण्डे र अर्थ मन्त्री विष्णुप्रसाद पौडेलले आदेश दिएका छन् । आदेशपछि अहिले विज्ञसहितको मस्यौदा टिम बनाउने तयारीमा मन्त्रालय लागेको छ ।
