गृहपृष्ठ खबर वाणगंगा नगरपालिकाको न्यायीक समितिमा परेका ३४ वटा मुद्धा मध्ये २४ वटा को टुङ्गो लाग्यो ।।

वाणगंगा नगरपालिकाको न्यायीक समितिमा परेका ३४ वटा मुद्धा मध्ये २४ वटा को टुङ्गो लाग्यो ।।

प्रकाशित मिति:

कपिलवस्तु जिल्लाको वाणगंगा नगरपालिकाले नगरपालिकाको न्यायीक समितिमा परेका मुद्धाहरुको फ्रस्यौटको कार्य अन्तिम चरणमा पु¥याएको जनाएको छ । नगरपालिकामा आर्थिक वर्ष २०७४(०७५ मा जम्मा ३४ वटा मुद्धा दर्ता भएका थिए । गत एक वर्षमा दर्ता भएका मुद्धाहरु मध्ये वाणगंगा नगरपालिका न्यायीक समितिले २४ वटा मुद्धाहरुको नगरपालिकाबाटै टुङ्गो लगाएको जनाएको छ भने बाकीँ १० वटा विभिन्न विषयका मुद्धाहरु टुङ्गो लगाउन बाकीँ रहेको जनाएको छ । न्यायीक समितिमा परेका मुद्धाहरुमा अधिकाशं जग्गा विवाद ,र श्रीमान श्रीमति विचका विवादका नाममा दर्ता भएका थिए ।

न्यायीक समितिमा दर्ता भएका मुद्धाहरु मध्ये बाकीँ रहेका १० वटा विभिन्न विषयमा दर्ता भएका मुद्धाहरुसँग सम्बद्ध व्यक्तिहरु अहिले न्यायिक समितिको सम्पर्क भन्दा बाहिर रहेको हुदा ति मुद्धाहरुको टुङ्गो लगाउन नसकिएको वाणगगा न्यायीक समिति सदस्य तथा नगर प्रवक्ता विष्णु पौडेलले बताएका छन् । नगरपालिकाका उपमेयर चक्रपाणि अर्याल संयोजक रहेको न्यायिक समितिमा वडा नम्बर १ र वडा नम्बर २ का वडा अध्यक्ष सहितको न्यायिक समिति रहेको छ । समितिले वाकीँ रहेका मुद्धाहरुको पनि सम्बन्धित व्यक्तिहरुलाई छिटो भन्दा छिटो सम्पर्कमा ल्याएर ति मुद्धाहरुको पनि साउन मसान्त सम्म टुङ्गो लगाउने जनाएको छ । समितिमा परेका मुद्धाहरु मध्ये अधिकाशं मुद्धाहरुमाथि विशेष छलफल र अन्र्तत्रिया गरी न्यायीक समितिबाटंैै मेलमिलाप गरिएको समितिका सदस्य तथा नगर प्रवक्ता पौडेलले जानकारि दिए ।

सम्बन्धित् समाचार