"मेरो देशको लालपुर्जा "
आमाको चीत्कारले
केही दिन यता म सुत्न सकेको छैन
बा´को सुस्केरा संगै कामेको छ मुटु
हिजो मात्र सपनीमा बुद्द आएका थिए
नयन भरि आँसु लिएर,
सीता
र
भृकुटीले सुरक्षित स्थान खोज्दै छ्न
नाम्चे बजार डुबानमा छ
सगरमाथाको आँसुले
डाफे घाइते छ पखेटा गुमाएर,
फिक्का फिक्का छ सिम्रीक
तेजिलो छैन चन्द्र
न्यानो छैन सुर्य
कोशी, कर्णालि र महाकाली त्रसित छ्न बग्न
पुर्व, पश्चिम् र दक्षिण तिर
लिलामिमा छ मेरो राष्ट्रियता
त्यसैले माइती नेपाल
सिमाना पार गर्ने
नेपाली चेलीको अनुसन्धान संगै
चेक जाच पनि गर्नु
सिमाना पार गर्न लागेका नेताका झोलाहरु
भेटिन सक्छन ति झोला भित्र
मेरो देशको नक्सा
र
लालपुर्जा ।
©सोतन्त्र नेपाल
