गृहपृष्ठ खबर दशौँ कपिलवस्तु महोत्सव मंसिर १८ देखि पुुस १ सम्म हुने

दशौँ कपिलवस्तु महोत्सव मंसिर १८ देखि पुुस १ सम्म हुने

प्रकाशित मिति:

दशौँ कपिलवस्तु महोत्सव यही मंसिर १८ गतेदेखि पुस १ गतेसम्म हुने भएको छ । कपिलवस्तु उद्योग बाणिज्य सघंको आयोजनामा हुने दशौ कपिलवस्तु महोत्सवको बारे पत्रकार सम्मेलन मार्फत जानकारी गराइएको हो । कृषी र पर्यटनमा आधारित उद्योग ब्यापार, समृद्ध र सुखी कपिलवस्तु निमार्णको आधार भन्ने नाराका साथ दशौ कपिलवस्तु महोत्सव आयोजना गरिएको पत्रकार सम्मेलनमा आयोजक कपिलवस्तु उद्योग बाणिज्य सघंका अध्यक्ष तथा महोत्सव मुल समारोह समितिका संयोजक उमानाथ पौडेलले जानकारी दिए । साथै उनले महोत्सवको गुणस्तरको लागि घाटा पनि व्योहोर्न तयार रहेको बताए । दशौ कपिलवस्तु महोत्सव हालसम्म आयोजना भएका महोत्सव भन्दा फरक र पृथक हुने, पर्यटन प्रवद्धनमा जोड दिइने अध्यक्ष पौडेलले बताए ।

कपिलवस्तुको चार नः जितपुरमा रहेको बुुद्धरगंशालामा आयोजना हुने महोत्सवलई सफल पार्नका लागी २८ वटा विभिन्न उपसमिति समेत निमार्ण गरिएको छ भने १५१ सदस्य मुल समारोह समिति गठन गरिएको महोत्सवका निर्देशक रुक बहादुर भुसालले जानकारी दिए । महोत्सवमा तिन सय बढि स्टल रहनुका साथै स्थानिय तथा राष्ट्रीय कलाकारको बेजोड प्रस्तुती सहित सास्कृतिक कार्यक्रममा नयापनका साथ सफल हुने कपिलवस्तु उद्योग बाणिज्य सघंका उपाध्यक्ष छवि रेश्मी मगरले जानकारी दिए । पत्रकार सम्मेलनमा कपिलवस्तु उद्योग बाणिज्य सघका महासचिव लक्ष्मण अधिकारी, पत्रकार हरी अधिकारी, मोहन बेल्बासे, भेषराज पाण्डे, अशोक पौडेल लगायतले आआफनो धारणा राखेका थिए ।

सम्बन्धित् समाचार