गृहपृष्ठ खबर कपिलवस्तुमा बसपार्क बन्ने आशमा सार्वजनिक शौचालय बर्षौदेखि प्रयोगबिहिन

कपिलवस्तुमा बसपार्क बन्ने आशमा सार्वजनिक शौचालय बर्षौदेखि प्रयोगबिहिन

प्रकाशित मिति:

कपिलवस्तुको बाणगंगा चार नम्बर जितपुरमा रहेको सार्वजनिक शौचालय उपयुतm स्थानमा नहुदा प्रयोगबिहिन भएको छ । चार नम्बर जितपुरको सडक छेउमा हुनु पर्ने सार्वजनिक शौचालय सडक भन्दा करिव १ किलोमिटर पश्चिम पुर्व बुद्धरगंशाला क्षेत्रमा भएकाले प्रयोगमा नआएको हो । बि.स. २०६९ सालमा सिद्धार्थ नगर बिकास समितिको पहल र बाणगंगा गाउ बिकास समितिद्धारा निर्मित उतm सार्वजनिक शौचालयलाई प्रयोगमा ल्याउने प्रति खासै कसैको ध्यान जान नसकेको हो । यस बिषयमा समितिमा छलफल गरी फेरी एक पटक सम्बन्धीतसबै निकाय तथा सरोकारवालासग बसेर छलफल गरी बसपार्क बनाउन तर्फ पहल गर्ने सिद्धार्थ बिकास समितिका अध्यक्ष बिष्णु थापाले बताएका छन । उतm स्थानमा सो समयमा बस पार्क बनाउने उदेश्यले सिद्धार्थ नगर बिकास समितिद्धारा सार्वजनिक शौचालय बनाएर कामको सुरुवात भएको थियो । पछि यस बिषयमा अन्य क्षेत्रबाट कसैले चासो नदेखाएपछि यो काम अगाडी नबढेको सिद्धार्थ नगर बिकास समितका महासचिव अमित पौडेलले बताए । बसपार्क बन्ने भयो भनेर सो समय यस क्षेत्रका सर्वसाधारण समेत खुशी भएका थिए । त्यसपछि जितपुर बजारमा आएका सर्वसाधारण यात्रुलाई उतm सार्वजनिक शौचालयमा गई शौच गरी फर्किदा करिव २० मिनेट भन्दा बढि समय लाग्ने गरेको स्थानिय हर्क बहादुर क्षेत्रीले बताए । बाणगंगा नगरपालिकामा बसपार्क नहुनु र भएको सार्वजनिक शौचालय पनि प्रयोगमा नआउनु बाणगंगा नगर बासीको प्रतिष्ठाको बिषय भएको उनले बताए ।

सम्बन्धित् समाचार