गृहपृष्ठ खबर नव प्रभात युवा क्लवको पाँचौ साधारण सभा सम्पन्न

नव प्रभात युवा क्लवको पाँचौ साधारण सभा सम्पन्न

प्रकाशित मिति:

नव प्रभात युवा क्लव वाणगंगा ४ कपिलवस्तुको पाँचौ साधराण सभा ठाकुरापुरको चण्डेश्वर दुर्गा मन्दिरमा सम्पन्न भएको छ । कार्यक्रममार्फत क्लवको भवन पनि उद्घाटन गरिएको छ । वाणगंगा नगरका उपमेयर चक्रपाणि अर्यालले रिवन काटेर भवनको उद्घाटन गरेका हुन् ।

विक्रम संवत २०७० सालमा स्थापना भएको उक्त क्लवले गाउँमा सोलार जडान, वल्व उपलब्ध गराई गाउँलाई उज्यालो बनाउँने, पाक्षिक रुपमा सरसफाई कार्यक्रम तथा अन्य उल्लेखनिय कार्यहरु गर्दै आएको छ । साधराणसभामा क्लवका कोषाध्यक्ष दिपक पोख्रेलले क्लवको वार्षिक आयव्य र भावि योजना प्रस्तुत गरे । कार्यक्रममा क्लवका सदस्यहरुले विविध सांस्कृतिक कार्यक्रम पनि प्रस्तुत गरेका थिए ।

कार्यक्रमलाई सम्बोधन गर्दै प्रमुख अतिथि तथा वाणगांगका उपमेयर चक्रपाणि अर्यालले क्लवले समाजलाई रुपान्तरण गर्नका लागि विभिन्न समााजिक कार्यहरु गरेको बताए । साथै उनले क्लवलाई नगरबाट गर्न सकिने सहयोग गर्ने बताए । त्यस्तै वडाअध्यक्ष गणेश बहादुर क्षेत्रीले क्लव कानुनि रुपमा दर्ता गराई वडा भित्र उल्लेखनिय कार्यहरु गरेको बताए । उनले क्लवलाई वडाबाट गर्न सकिने सहयोग गर्ने प्रतिबद्धता ब्यक्त गरे ।

क्लवका उपाध्यक्ष विमल मल्लको अध्यक्षता, वाणगंगा नगरका उपमेयर अर्यालको प्रमुख आतिथ्यता, वडा अध्यक्ष गाणेश क्षेत्री, वडा सदस्यहरु अनिता नेपालि, ईन्दिरा पन्त, समाजसेवि कृष्ण प्रसाद भट्राई र मदन शाहि लगायतको आतिथ्यता रहेको थियो भने क्लवका अध्यक्ष मिलन चालिसेको सञ्चालनमा कार्यक्रम सम्पन्न भएको क्लवका सल्लाहकार गोविन्द पौडेलले जानकारि दिए ।

सम्बन्धित् समाचार