दशै नजिकिए सँगै गाँउदेखि शहर सम्म सरसफाई अभियानले निरन्तरता पाएको छ । पहाडी जिल्लाहरुमा बाटो खन्ने चटारो भैरहदा कपिलवस्तुका विभिन्न टोलहरुमा सरसफाईले निरन्तरता पाएको हो । यसै विच आज जिल्लाको वाणगंगा नगरपालिका वडा नं ६ भग्लापुरमा प्रगति टोल विकास संस्थाको आयोजनामा सरसफाई गरिएको छ । संस्थाका अध्यक्ष रिषिराम आचार्य र वडा अध्यक्ष सुकदेव थारुको नेतृत्वमा सरफाई गरिएको हो । सरसफाई कार्यक्रममा भग्लापुर गाँउका २ सय बढीको सहभागिता रहेको थियो ।
सैबिच वाणगंगा नगरपालिका वडा नं. ४ अन्तर्गत ठाकुरापुर टोल विकास समिति र नव प्रभात युवा क्लवद्धारा पनि सरसफाई गरिएको छ । टोल विकास समिती संयोजक कमल पराजुलिको नेतृत्वमा वडा नं.४ का विभिन्न सार्वजनिक तथा अन्य ठाउँहरुमा सरसफाई गरिएको हो । बाटो वरिपरिका अनावश्यक रुखहरुm झाडिलाई सफा गरि ब्यबस्थापन गरिएको हो । त्यस्तै विद्युत पोललाई छोएका विभिन्न विरुवाहरु पनि काटि सफा गरिएको युवा क्लवका गोविन्द पौडेलले जानकारि दिए ।
आर्थिक बर्ष सकिएको दुई महिना मै वडाले निकासा सहितको काम सम्पन्न गरेको हो । वडा नं. २ का वडा अध्यक्ष विष्णु पौडेलले राजापुर गाउँको साप्टे टोलमा बाटो ग्राभेल गरेर निकासा लिइसकेको बताएका छन् । वडाले यही आर्थिक बर्ष भित्र काम सम्पन्न गर्ने गरी दुई लाखको योजना बनाएको थियो । उक्त काम भदौको पहिलो साता सम्पन्न गरेर असोज १७ गते नै निकासी लिइसकेको वडा अध्यक्ष पौडेलले बताए ।
यो बर्षको योजना सम्पन्न गरेर निकासा ल्याउनेमा वडा नं. २ नगरकै पहिलो भएको उहाले दाबी गरे । यस्तै मनकामना संस्कृत विद्यापिठ नन्दनगरका लागि छुट्याइएको ४ लाख बजेटको काम पनि संचालन हुने तयारीमा रहेको उनले बताए । योजनाको सम्झौता भईसकेको र लागत योजना पनि भएकोले काम तत्काल शुचारु हुने उहाको भनाई छ । अरु विकास निर्माणका काम पनि तत्कालै शुचारु हुने वडा कार्यालयले जनाएको छ ।
यसैबि भोलि वाणगंगा नगरपालिका वडा नं. ४ मा वृहत सरसफाई कार्यक्रम गर्ने भएको छ । नगरपालिकाको सोहि अभियान अनुसार वडा नं. ४ चार नम्बर चोकमा सरसफाई गरिने वडाअध्यक्ष गणेश क्षेत्रीले जानकारि दिए ।
