पाकिस्तानी सेनाले भारतमा सर्जिकल स्ट्राइक गर्ने चेतावनी दिएको छ । उसले भनेको छ, ‘यदि भारतले एक पटक आक्रमण गर्यो भने हामी १० सर्जिकल स्ट्राइक गर्ने छौं ।’
पाकिस्तानी सेनाका प्रवक्ता मेजर जर्नेल आसिफ गफूरले शनिबार लण्डनमा पत्रकारहरुसँग कुरा गर्दै यस्तो चेतावनी दिएको अन्तर्राष्ट्रिय सञ्चारमाध्यमले जनाएका छन् ।
गफूरले यस्तो चेतावनी दिँदा पाकिस्तानी सेना प्रमुख जर्नेल कमर जावेद बाजवापनि साथमै थिए ।
गफूरले भने, ‘जो मानिस कुनै पनि गलत काम गर्ने सोच राख्छन्, उनीहरुको दिमागमा पाकिस्तानको क्षमतामाथि शंका नहुनुपर्ने हो ।’ उनले यस्तो चेतावनी भारतीय सेनालाई दिएको बताइएको छ ।
भारतीय सेनाले पाकिस्तानी सीमा भित्र गएर सर्जिकल स्ट्राइक गरिने भन्दै आएको सन्दर्भमा पाकिस्तानी सेनाले त्यसको जवाफ दिएको हो ।
अन्य फरक प्रसंगमा पाकिस्तानी सेनाका प्रवक्ता गफूरले चीन र पाकिस्तानको सहकार्यमा बनिरहेका परियोजना सेनाको अनुगमनमा भइरहेको बताए । उनले यसबाट पाकिस्तानको आर्थिक विकास हुनेसमेत दावी गरे ।
उनले पाकिस्तानमा बलियो लोकतन्त्र आवश्यक भएकोसमेत बताए । उनले पाकिस्तानमा नराम्रोमात्र नभएको भन्दै राम्रो पनि भएको बताए । उनले पाकिस्तानमा अभिव्यक्ति स्वतन्त्रताको सम्मान भइहरकोसमेत दावी गरेको समाचारमा जनाइएको छ ।एजेन्सी
यो पनि पढ्नुहोस्
आक्रमणमा मृत्यु हुनेको संख्या २२ पुग्यो
अफगानिस्तानको ताखार प्रान्तमा आयोजित चुनावी र्यालीमा शनिबार भएको बम आक्रमणमा परी मृत्यु हुनेहरुको संख्या २२ पुगेको सरकारी अधिकारीहरुले जानकारी दिएका छन्।
अफगानिस्तानमा यही अक्टोबर २० तारिखका दिन हुने संसदीय र प्रान्तीय निर्वाचन नजिकिँदै गर्दा हिंसाका घटनाहरु बढ्दै गएका छन्।निर्वाचन लक्षित हिंसात्मक घटनामा परी अहिलेसम्म सयौंको मृत्यु भइसकेको छ। शनिबार ताखार प्रान्तमा आयोजित र्यालीमा भएको आक्रमणमा परी ३६ जना घाइते भएको अधिकारीहरुले जनाएका छन्।
आक्रमणकारीहरुले उक्त र्यालीमा सम्बोधन गर्न महिला उम्मेदवार नजिफा युसोफी बेग आइपुग्नु ठीक अघि विस्फोट गराएका थिए। रासस/एएफपी
