गृहपृष्ठ कला/साहित्य तीन युवा स्रष्टाको रचनामा झुम्यो नवलपुरको सदरमुकाम कावासोती

तीन युवा स्रष्टाको रचनामा झुम्यो नवलपुरको सदरमुकाम कावासोती

प्रकाशित मिति:

पुस–७, निलकण्ठ पोखरेल, नवलपुर
शनिवार नवलपुरको सदरमुकाम कावासोती साहित्यमय बन्यो । नवलपुरका तिन युवा स्रष्टाहरु आदर्श सुशिल, संञ्जय भट्टराई र प्रतिक्षा सम्मितले माहोललाई साहित्यमय बनाए । मञ्जरी सृजनात्मक समुहको आयोजना र नवलपुर युवा मन्चको सह–आयोजनामा तीन स्रष्टाहरु कविता, गजल र मुत्तक बाचनका लागि उभिएका हुन ।

ए आमै
तिमि बाटो हराएकि बटुवा हौं कि
मेरो हराएको देश हौं ?

कवि आदर्श सुशिलले आफ्नो पहिलो कविता मोक्षको खोजीमाको अन्तीम हरफ सुनाईरहदा उपस्थित साहित्य अनुरागीहरु सोचमग्न भएका थिए । पहिलो चरणमा कविले आफ्ना दुई ओटा कविता सुनाए । कविता पछि गजल सुनाउन आएकि नवलपुरकी उदयमान नारी स्रष्टा प्रतिक्षा सम्मितले आफ्ना भावना गजल मार्फत यसरी पोखिन ।

उकालो लिनेहरु ओरालो लिएर फर्कन्छन्
पालै पालो यसरी नै जीन्दगी जिएर फर्कन्छन्

यसैगरि पहिलो चरणमा मुक्तकको स्वाद चखाउन आएका अर्का युवा मुत्तककार संजय भट्टराईले बर्तमान परिप्रेक्षलाई मुक्तक मार्फत यसरी झटारो हाने ।

बिहान उठि भकारोमा गोबर थुप्रो सोर्नु पर्छ
दुख छ साँझ बिहान एक एक मानो जोर्नु पर्छ
तिम्रो श्रृङ्गार घामपानीमा कति बेर टिक्ला र खै ?
घाँसका भारी बोक्नु पर्छ डल्ला पनि फोर्नु पर्छ

पहिलो चरणमा दुई कबिता, तिन गजल र पाँच मुक्तक गरि दश रचना बाचन गरिएको थियो । दोस्रो चरणमा पनि दश रचना, तेस्रो चरणमा सात र अन्तिम चरणमा एक÷एक रचना बाचन गरिएको थियो ।युवा स्रष्टाहरुले तिस रचना बाचन गरे । मञ्जरीको मझेरीमा तिन सर्जकको तिस सृजना नाम दिईएको गजल, कविता र मुक्तकको त्रिवेणी कार्यक्रम कावासोती–२ को ब्याम्बो कटेजमा सम्पन्न भएको थियो । कार्यक्रमको सभापतित्व मञ्जरी सृजनात्मक समुहका अध्यक्ष किरण भुर्तेलले गर्नु भएको थियो भने कार्यक्रमको सञ्चालन बिजय चालिसेले गर्नु भएको थियो । नवलपुरको सदरमुकाम कावासोतीमा सार्वजनिक पुस्तकालय स्थापना गर्न कार्यक्रम आयोजना गरिएको संस्थाका अध्यक्ष किरण भुर्तेलले जानकारी दिनु भयो।कार्यक्रममा नवलपुरका पचास भन्दा बढि साहित्यकार तथा साहित्य अनुरागीहरुको उपस्थिती रहेको थियो ।

सम्बन्धित् समाचार